Proiektuak
Nazioartekotze mugikortasun programa: Global Training
Garapenek, Garapen Agentzien Euskal Elkarteak, Donostiako Sustapenaketa Donostiako Ekonomiaren Garapenerako Sustapen Sailak, Global TrainingNazioarteko mugikortasun programaren edizio berria ateratzen dute. Programa hau SPRI – Enpresen Garapenerako Euskal Agentziaren eta Basque Trade & Investmenten (Euskal Nazioartekotze Agentziaren) egitasmoa da.
Beka-programa horren bidez, merkatuan jartzen da, eta unibertsitateko titulazioa zein lanbide-heziketako goi-mailako gradua duten gure gazteek eskura dute, praktika ordainduak atzerriko enpresetan eta erakundeetan egiteko aukera, gutxienez 6 hilez, haien profil akademiko eta profesionalarekin loturiko jarduera eta proiektuetan, hain zuzen..
Informazio gehiago: http://becasglobaltraining.eus
Marketin digitala eta kooperatibismoa proiektua
Marketin digitala eta kooperatibismoa proiektua merkatuaren benetako eskaerari erantzun eraginkorra emateko beharretik sortu da.
The Power Business School ikerketaren arabera, profil profesional honek gehien eskatzen direnen artean TOP 10aren barruan dago.
Marketin digitalaren eta kooperatibismoaren proiektuan Garapenek parte hartzen du Leioako Udalarekin eta Inguralderekin batera, Paideia Galiza Fundazioaren eta EOI Industria Antolatzeko Eskolaren eskutik.
Gazte Bermea sistema nazionalean izena emanda dauden 30 urtetik beherako pertsonei zuzenduta dago proiektua. Ekimen horrek aukera emango die marketin digitalean 190 ordu baino gehiagoko prestakuntza izateko eta, aldi berean, arlo horretako erronkei eta/edo proiektuei lotutako jarduera praktikoak egiteko; horrela, proiektua amaitzean, parte hartu duten pertsonek enpresa kooperatiboak eratzeko bidean aurrera egin ahal izango dute, hala nahi badute.
Marketin digitalak eta kooperatibismoak aukera emango die pertsonei arlo horretako lehen mailako profesionalekin harremanetan jartzeko, eta aukera paregabea izango da Euskadin.
Doako matrikula. Europako Gizarte Funtsak batera finantzatutako programa.
Prestakuntza aurrez aurre emango da Leioako Behargintzan, astelehenetik ostegunera, 10:00etatik 14:00etara, otsailaren 27tik ekainaren 7ra.
Hazilan Proiektua
Zer da Hazilan?
Hazilan proiektua laneratzeko bidea hobetzeko ekintzen ibilbide osatu bat da. Norentzat? 20-44 urte dituzten gazte kualifikatuentzat.
Enpresa-proiektu errealak
Hazilan proiektuak enpresen premia errealen identifikazioa du oinarri. Premia horien arabera, pertsona kualifikatu batzuk hautatu eta baliabideak eta prestakuntza jasoko dituzte, enpresa-proiektuarekin motibatuta eta inplikatuta egongo den talde batean sartzeko beharrezkoak direnak.
Hazilanek metodologia berritzailea dakar, gaitasun pertsonalen eta enpresa-proiektuaren araberako ibilbide pertsonalizatu batekin. Batetik, konpetentzia pertsonalak eta profesionalak lantzen dira eta, bestetik, aukera eskaintzen da lanpostuari lotutako prestakuntza espezializatua jasotzeko, enpresan praktikak egiteko edota enpresako proiektuak garatzen parte hartzeko.
Helburua: enplegua
Hazilanen helburu nagusia laneratzen laguntzea da eta, horretarako, honako helburu zehatz hauek ditu:
• Zeharkako konpetentzia sozioprofesionalak hobetzea eta ahalduntzea sustatzea, lan-munduan sartzea erraztuko duten tresnen bidez.
• Pertsonen lan-aktibazioa enplegua bilatzeko ibilbide osoan.
• Lanbide-trebakuntza hobetzea eta lanpostuari lotutako esperientzia eskuratzea, lan-mundua eta egindako prestakuntzaren lanbide-aukerak jakiteko.
Emplegurako lau fase
Parte-hartzaileen eta enpresa-proiektuen ezaugarrietara era malguan egokituta dauden lau faseko ibilbide bat proposatzen du Hazilan proiektuak: Aktibatu, Kokatu, Lanekin eta Talentu Ihesa.
Ibilbidearen hasiera da, laneratzeko laguntza-prozesuaren hasiera. Konpetentzia pertsonalak eta profesionalak (motibazioa, ekimena, komunikazioa, talde-lana…) lantzeko prestakuntza pertsonalizatua eskaintzen du. Helburua pertsona kualifikatuen gaitasunak aktibatzea eta pertsona horiek proiekturako prestatzea da. Horretarako, parte-hartzaileek coach baten laguntza jasoko dute.
Fase honen helburua da pertsona kualifikatuek kontratazio-premiak dituzten enpresetan lanpostu jakin baterako prestakuntza espezializatua jasotzea. Era horretan, pertsona horiek enpresan bertan laneratuko dira. Enpresak, nolanahi ere, instruktore bat izendatuko du prestakuntza ikuskatzeko eta parte-hartzailea bere testuinguruan kokatzeko.
Helburua da parte-hartzaileek beren lanbide-profilaren araberako esperientzia erreala eskuratzea. Baliabide honen bidez, ikaskuntza praktikoko egonaldiak egingo dira enpresetan. Enpresako tutore batek praktikak zuzendu eta laguntza emango du.
Helburua da lanbide-gaitasuna hobetzea. Horretarako, enplegua sortuko duten enpresa-proiektuak abian jartzen parte hartuko da, jarduera berrien garapenean interesa duten enpresetan. Proiektuak lotura izango dute, ahal dela, nazioartekotzearekin, berrikuntzarekin edo teknologia berriekin.
Elkarrekin Mundura Proiektua
Zer da Elkarrekin Mundura?
Helburu zehatzak, berriz, hauek dira:
– Kontinente amerikarrean, nazioarteko merkatu berrietan sartu.
– Nazioartekotze-prozesuetatik eratorritako gastuak murriztu.
– Hiru herrialdeetako enpresen arteko sinergiak, osagarritasunak eta gaitasunak baliatu.
– Enpresen lehiakortasun-postua hobetu, negozio-aukera berriak sortuta.
– Balizko merkataritza-akordioetan sakontzeko interesa duten enpresak atzerrira eraman.
Misio bakoitzak astebete iraungo du, eta enpresek gutxienez bi bisita egingo dituzte egunero balizko bezero edo laguntzaileak ezagutzeko.
– Enkartur.
– Inguralde.
– Meatzaldeko Behargintza, S.L.
– Mungialdeko Behargintza.
GARAPEN Topaketak
Asteazkenero birtualki egiten den topagunea, agentziak berak hainbat jarduera-eremutan garatzen ari diren esperientzia interesgarriak partekatzeko helburuarekin, inspirazio gisa balio dezaten eta beste lurralde batzuetan aplikatu ahal izan daitezen.
KS Topaketak
Proiektu honen helburua artista profesionalen arteko lankidetza sustatzea da, networking bidez, hainbat diziplinatako artisten arteko eskualde arteko topaketak antolatuz.
Hauek dira proiektu honetan parte hartzen duten agentziak:
· Bidasoa Activa.
· Bilbao Ekintza.
· Getxolan.
· Meatzaldeko Behargintza.
· Oarsoaldea.
Urola Kostako Udal Elkartea.
GARAPEN Sortzailea
Interes komunak antzemateko eta elkar harturiko agentziek lankidetzan garatzeko proiektu-ideia berriak ezagutzeko abiaturiko lan-eremua. Gune parte-hartzaile eta sortzailea, online tailerren bidez antolatua.
RESourCE: Raising Expertise to Sustain our Common Environment
Proiektu honen helburua adituen sare bat sortzea da, eta belaunaldi gazteak Europa berde jasangarriaren erronka europarrean inplikatzera, konektatzera eta ahalduntzera bideratutako esperientziak ezagutzea, Gazteentzako Europar Batasunaren 2019-2027ko Estrategian gomendatzen den bezala.
Honako hauek dira partzuergoaren gidari: Servizi Associati Zentroa (Italia), Handelskammer München-Stuttgart (Alemania), The Society for the Protection of Nature In Israel (Israel), Szatyor Egyesület (Hungaria) eta Garapen.
Proiektua Erasmus+ deialdiaren barnean dago.
LAILA proiektua
LAILA proiektuak hezkuntza-lider berritzaileentzako prestakuntza garatu nahi du, lidergoaren eta gaitasun eta trebetasun bigunen garapenean oinarrituta.
Partzuergo hau proiektuaren buru den Centro Servizi Associatik (Italia), H-Farm education (Italia), AEVA- Associação para a Educação e Valorização da Região de Aveiro (Portugal) eta Garapen erakundeek osatzen dute.
LAILA proiektua Erasmus+ deialdiaren esparruan garatzen da.
Informazio gehiago: http://laila.aeva.eu/
Enplegu Berdea Ezagutzen proiektua
Enplegu Berdea Ezagutzen proiektua gazteek gizarteratzearen eta laneratzearen arloan dituzten premiei erantzun eraginkor eta desberdina emateko beharretik sortu da.
Enplegu Berdea Ezagutzen Garapen Agentzien Euskal Elkartea, Inguralderekin, Egaz Txorierrirekin eta Erandioko Behargintzarekin elkarlanean egindako proiektua da.
Bizkaiko Foru Aldundiak finantzatutako proiektua da, Enplegu, Gizarteratze eta Berdintasun Saila (31/2022 Foru Dekretua).
Proiektuaren helburu nagusia da gazte kalteberenen helburu profesionala zehazten laguntzea, beren gaitasunak, trebetasunak eta interesak ezagutu eta praktikan jartzeko aukera eskainiz ekonomia zirkularraren hainbat eremutan, eremu berdean, 4 gairen bidez (merkataritza berdea, nekazaritza ekologikoa, hondakinen kudeaketa eta energia berriztagarriak).
Enplegu Berdea Ezagutzen proiektuan parte hartu ahal izango dute 30 urtetik beherako pertsonek, lehen mailako ikasketak dituztenek eta, gehienez ere, erdi-mailako prestakuntza-zikloa dutenek, langabetuek edo ostalaritzan, mezularitzan, muntaketan eta abarretan asteburuetako edo noizbehinkako kontratuak kateatuz xede-talde horrek ezaugarri hauek ditu: ikasketak utzi izana edo, ikasketak amaituta ere, lan-merkatuan modu egonkor eta planifikatu batean sartu ez izana; horrez gain, beren prestakuntza-moduluari hasiera ematen ez dioten pertsonen kopuru handi bat izatea.
Ildo horretan, proiektu honen izaera berritzailea elementu honetan oinarritzen da: Enplegu berdeari lotutako etorkizuneko aukerak ezagutzea, probatzea edo hurbiltzea, behar diren baldintzak, lanpostuen funtzioak, garatu beharreko zereginak eta abar barrutik ezagututa; horrela, errealitatetik balioetsi ahal izango dute etorkizunean ikusten duten enplegu bat den, eta, horrela, denboran luzatutako formazioetan eta frustrazioetan abandonatzea saihestu ahal izango dute.